Thaiv yog yug rau tebchaws Nplog.  Thaiv txiv thiab niam yog Ntxoov Nab Xyooj thiab Maiv Yias Vaj.  Thaiv niam yog Ntxoov Nab tus niam yau.  Tsis ntev tom qab nws niam yug tau nws tus kwv yau ces nws niam thiab nws tus kwv nkawv ob leeg tau tag simneej lawm.  Niam yau ces tsuas yug tau nkawv ob kwvtij xwb.  Thaiv niam tau tso nws tseg rau lub zos Haib Qhas, tebchaws Nplog.  Nws tau nrog nws txiv thiab cov tijlaug tuaj rau tebchaws Thaib, ces ho tsiv tuaj rau tebchaws Asmeskas tsis ntev tom qab.  Lub sijhawm no, Thaiv thiab nws tsevneeg nrog cov kwvtij sawvdaws nyob rau hauv zos Dej Ntsiab (Eau Claire, Wisconsin), tebchaws Asmeskas.

Thaiv thiab nws tus pojniam, Ntsuab Yaj, nkawv tau los sib sau ua neej ua ke thiab nkawv muaj 5 tug menyuam:

1. Caitlin (Kablia)

2. Xong Xai (Xeem Xai)

3. Yeleng (Yimleej)

4. Kublaim

5. Chivkeng (Chivkeeb)

Tsis ntev no nkawv kuj tseem yuav tau ib tug me ab ntxiv thiab; tseem tsis tau los so xwb.