Kuv txiv yog Xaiv Suav.  Hos kuv niam yog Xia Muas.  Kuv tus yawgkoob yog Ntsuab Kos.  Peb yawmtxiv uas yug kuv niam hu ua Neej Lauj Muas.  Kuv niam thiab kuv txiv nkawv yug kuv rau tebchaws Nplog.  Thaum kuv tseem me, kuv txiv tau tag simneej lawm.  Kuv niam thiab cov tijlaug peb thiaj tau tsiv tuaj nyob rau tebchaws Thaib rau xyoo 1982.  Peb xyoos tom qab ntawv, peb kuj ho tau tsiv tuaj rau tebchaws Meskas no.  Peb tuaj poob rau lub nroog Chicago, lav Illinois rau xyoo 1985.  Xyoo 1986, peb tau tsiv los mus nyob rau lub zos Eau Claire, lav Wisconsin.  Kuv thiab Maivtooj Thoj wb tau sib yuav rau xyoo 1992.  Tamsis no, wb tsevneeg muaj 5 tug ntxhais.  Kuv kawm ntawv tiav 4 xyoos rau major Operations Management rau lub tsev kawv ntawv qibsiab hu ua University of Wisconsin - Eau Claire. 

Kuv nyiam nyeem ntawv, kawm tes taw (martial arts), ncaw pob (play soccer), mloog yas-suab, nqa hlau nyhav (weight lifting) thiab siv computer.